Sefydliadau sector cyhoeddus a gwasanaethau hanfodol
Creu gwlad er budd pawb
Llywodraeth, awdurdodau lleol, darparwyr iechyd, gwasanaethau brys, cwmnïau cyfleustodau, cymdeithasau tai, gweithredwyr trafnidiaeth ac unrhyw sefydliad arall sy’n ymwneud â hawliau, diogelwch, llesiant a mynediad at wasanaethau hanfodol.
I’r sefydliadau hyn, gall peidio ag ystyried goblygiadau iaith, llythrennedd neu anabledd, rwystro pobl rhag cael mynediad at eu gwasanaethau, gan ledaenu’r bwlch anfantais ac erydu ymddiriedaeth pobl yn y sefydliadau y maen nhw’n dibynnu arnyn nhw.
Dyna pam ein bod yn helpu sefydliadau gwasanaethau cyhoeddus a gwasanaethau hanfodol i lunio negeseuon sy’n canolbwyntio ar yr hyn sydd angen i bobl ei wybod, ei ddeall, a’i wneud. Gan wneud polisi, canllawiau, a gwybodaeth yn eglur ar draws gwahanol ieithoedd, cymunedau, a fformatau, gallwn helpu pawb i ddeall ac i gael mynediad at wasanaethau a chymorth hanfodol.
Sefydliadau creadigol a diwylliannol
Rhannu’r straeon sy’n ein diffinio
Darlledwyr, cyhoeddwyr, amgueddfeydd, orielau, gwyliau a sefydliadau eraill sy’n gorfod cynnal ystyr, ing, a hygrededd diwylliannol ar draws sawl iaith a fformat. Gall methu o ran hyn o beth atal gwaith creadigol a diwylliannol rhag cyrraedd ei gynulleidfa lawn, gan gyfyngu ar ei effaith a’i werth.
Dyna pam ein bod yn helpu sefydliadau creadigol a diwylliannol i sicrhau bod eu gwaith yn cyrraedd ac yn cydio yn eu cynulleidfaoedd. Trwy roi sylw penodol i gynildeb diwylliannol a thrwy addasu gofalus, gallwn drosglwyddo bwriad, ystyr ac emosiwn o’r naill iaith i’r llall gan alluogi sefydliadau i wireddu potensial diwyllianol a masnchol llawn eu gwaith.
Sefydliadau addysg a chymdeithasol
Gwireddu potensial pobl a lleoedd
Colegau, darparwyr hyfforddiant, elusennau, sefydliadau cymunedol, grwpiau ymgyrchu, cyrff cynhwysiant ac unrhyw sefydliad arall sy’n rhoi cyfleoedd i bobl a chymunedau ddysgu, i gael cymorth, i wella;u llesiant ac i greu newid cadarnhaol.
I’r sefydliadau yma, gall peidio ag ystyried goblygiadau iaith, llythrennedd, anabledd, neu hyder eithrio pobl a chymunedau rhag cael yr addysg a’r cymorth y maen nhw’n ei gynnig, gan gyfyngu ar fudd personol a chymunedol eu gwaith.
Dyna pam ein bod yn gweithio gyda sefydliadau addysg a chymdeithasol i ddymchwel rhwystrau ac i gyrraedd cynulleidfaoedd newydd. Gyda’n dealltwriaeth o bobl a chymunedau Cymru, gallwn greu’r negeseuon, yr ieithoedd, y fformatau a’r sianeli mwyaf addas er mwyn annog mwy o bobl i gofrestru, i wirfoddoli, i ofyn am gymorth, neu i weithredu.
Brandiau a busnesau
Creu cysylltiadau sy’n sbarduno twf
Busnesau o bob math, o bob maint, ac o bob sector – boed leol, genedlaethol neu ryngwladol sydd â’u dewisiadau cyfathrebu’n diffinio hyd a lled a dyfnder y berthynas fasnachol y gallan nhw’n ei meithrin â phobl, sefydliadau a chymunedau ledled Cymru.
Pan fydd busnesau’n trin Cymru fel unrhyw farchnad arall, gan anwybyddu iaith, diwylliant, cymunedau ac anghenion mynediad ei phobl, gall eu cyfathrebu deimlo fel pe baen nhw’n eithrio, yn ddi-hid neu’n amharchus, sydd yn ei dro, yn erydu ymddiriedaeth teyrngarwch ac ymlyniad pobl.
Dyna pam ein bod yn helpu brandiau a busnesau i ddeall eu cynulleidfaoedd ac i gyfathrebu’n gelfydd ar draws ieithoedd, fformatau a sianeli. Gallwn wneud i’ch negeseuon deimlo’n berthnasol, yn gynhwysol ac yn barchus, waeth ble fydd pobl yn eu gweld, gan helpu i gynyddu refeniw, creu teyrngarwch, a meithrin eich enw da ymhlith cymunedau a sefydliadau ledled Cymru.